مناقشه جاده؟؟؟؟؟؟؟؟؟

الحقيقة فية سؤال خطر فى بالى وقررت انى اسألهولكم بعد اما شوفتة حصل ادام عينى و
الحقيقة ذهلت جدا.

السؤال هو هتعملى اية كبنت لو كنتى ماشية فى الشارع فى امان الله لا بيكى ولا عليكى وفجأة لاقيتى مجموعة من الشباب شكلهم مش تمام (مش مظبوطين ) وصوروكى بالموبايل (هههه تبا للتقنية الحديثة!!!) و التفوا حواليكى وانتى دلوقتى فى وسط الوحوش الكاسرة دول وبدأو يسترسلو فى كلام مش لطيف خالص .
هتعملى اية؟؟؟؟؟؟؟؟؟؟؟؟؟؟
طب بالنسبة للشباب
هتعمل اية لو حصل الموقف دة فى الشارع ادامك ؟
هل هتروح تدافع عنها وتحاول تمسح الصور؟
ولا هتمشى وتقول انا ماليش دعوة ؟
طب سؤال تانى بقى
هو اية اصلا اللى خلى ولاد زى دول يعملوا كدة؟
هل دة سوء تربية؟؟؟
ولا دة شباب طائش ومراهق؟؟؟؟؟
ولا البنت اللى ماشية دى ماشية مش مظبوطة فى الشارع ؟؟؟؟؟ او لبسها مش تمام يعنى؟؟؟؟؟؟
طب اينكان البنت دى عاملة اية هل دة مبرر كافى لعمل الاولاد دول؟؟؟
بس هى الحكاية مش واقفة هنا وبس
لان فية بنات بتبقى ماشية محترمة ولبسها محترم
وبرضة بتتعرض للمعاكسات بطريقة مش محترمة
واحيانا بيتحول الكلام لما يلاقى البنت مش سألة عنة
لانة يشدها فى الشارع او يضربها
ودة بيحصل كتير هنا فى مصر
طب هتعملى اية برضة لو اتعرضى للموقف دة؟
وانت هتعمل اية لو شفت دة حصل ادامك؟

انا عن ذات نفسي حصلي الموضوع دا
كنت ماشية مرة ولقيت ناس جمبي غريبة اوى
مع اني كنت لبسة عادي
وصوروني علي الموبايلات بتاعتهم
بس كان في ناس حوليا ماعملوش حاجة خالص
بس سلمت امري لربنا
وهو اكيد هينصرني

بجد سؤال جميل احيكي علية
انا حصل الموقف دة ادامي مع بنت اعرفها
بس البنت طلعت معلمة خد الموبايل ورزعتة في الارض
نزل 100حتة
وحصل في بنت تانية بس معملتش حاجة وبصراحة كانت تستاهل
عشان مكتشي مظبوطة
بس انا بلوم عليكي المفروض كنتي خدتي الموبايل وكسرتية
ومتخفيش من حد خاص
مادام انتي محترمة ومؤدبة

تقبلي مروري
MO7AMED AYOUP

شكرا بجد علي نصحتك
بس لو انا عملت كدة اكيد هيحصلي مشاكل كتير اوى منهم
ممكن يمشو ورايا وهما اكيد اقوي مني
بس مافيش حل غير اني اتكل علي ربنا في الموضوع دا
تقبل مروري
وشكرا ليك

علي فكرة لو انتي عملتي كدة أكيد هيخافوا يغلسوا عليكي تاني
بس مادام سلمتي أمرك للة خلا متخفيش من أي حاجة