ظاهره اصطياد الفتيات من المنتديات!!!!!!!

:shock:

أولا: انا بحيي كل الاعضاء الموجودين في المنتدي وبجد وحشني المنتدي وأعضاؤه المميزين دائما وانا بجد

سعيد جدا لاني لاقيت المنتدي اتطور كتير عن اخر مره كنت معاكم فيه , وماشاء الله في اعضاء جدد

وكمان مميزين واتمني اننا نكون مع بعض علطول اسره واحده

وانا النهارده هتكلم معاكو عن موضوع مهم جدا وهو يخص البنات أكتر من الشباب

ان ظاهره اصطياد الفتيات في المنتديات ظاهره انتشرت انتشارا غير طبيعيا
في كثير من المنتديات مؤخرا لذا توجب علي حق اوجبته انا علي نفسي مما
رايته وقراته في المنتديات من القصص لبعض الفتيات اللاتي حصل لهن مثل هذه المواقف
من قصص مؤلمه ومبكيه حصلت لبعض اخواتنا من رواد المنتديات

لذا قمت بطرح هذه الظاهره (( الخبيثه)) او سمها كما شئت لمناقشتها
وما اتمناه انا من اعضاء المنتدي او رواده من الزوار هو المشاركه
بالرأي وليس الاكتفاء بالشكر علي الطرح لان هذا واجب كل شخص لا يعجبه هذه الظاهره

والان سوف ابدا طرح وتوضيح هذه الطرق والاساليب المستخدمه من قبل هؤلاء الشباب
عديمي الانسانيه التي يستخدمونها في اصطياد اخواتنا الفتيات حفظهن الله من كل سوء:::

أسلوب لاثاره العاطفيه :

أحدهم تجده عندما يقوم بالتسجيل في المنتدي , يبدأ باختيار أحد الفتيات ثم يبدا بمتابعتها ويرد علي مواضيعها ,
ثم يأتي في أحد الردود ويكون رده قاسيا نوعا ما ثم ما يلبث ان يرسل رساله خاصه الي صاحبه المقال
يقول فيها (أنا اسف علي ردي القاسي بصراحه ان غلطان , وردي ده كان بسبب حالتي النفسيه في
هذه الايام, فاتمني منك ان تقبلي اعتذاري هذا وان شاء الله لن أرد بعد اليوم علي اي موضوع لك تقومين بكتابته في هذا المنتدي
لاني بصراحه ما عاد لي وجه ارد علي مواضيعك))
طبعا هنا يريد ان يستعطف هذه الفتاه , ثم ينتظر الرد منها. وبعضهم يحاول مره ثانيه وثالثه واذا لم تنجح مصيدته
توجه الي فتاه اخري وهكذا حتي يجد من تستعطف لاعتذاره وتتبادله المشاعر ثم يحدث مالا تتمناه اي فتاه.....

اسلوب اللطف والحنيه :

تجد بعضهم يرسل رساله لاحد العضوات يقول لها انت بصراحه كتاباتك رائعه وانا من المتابعين لكتاباتك
ويشرفني أن اكون أحد الاعضاء الذين يردون علي كتاباتك ومره يقول أنه من ساعه ما قرأ أول موضوع لها وهو عقله وقلبه بيفكروا في كل كلمه كتبتها.

ومره يظهر بمظهر الواد المسكين اللي خلاص قرر انه يخرج من المنتدي لانه خلاص معدذ قادر يتحمل هذه الحيا المليئه بالاشرار ولم مش لاقي اللي يفهمه ويحس بيه

وهكذا........

وهذا النوع في الغالب بيكون باله طويل جدا ويمكن يستني شهور عقبال ما تستوي الطبخه وده من صفات الصياد الشاطر
وتلقيه يرسل عده رسائل في المنتدي بنفس الطريقه لعه عضوات .....ثم لا يمل من ارسال رساله
تانيه وتالته ورابعه وعاشره حتي يصل الي مراده ,
فلتلزمي الحذر من هذا القناص.

اسلوب المتشبهين بالفتيات :

تجده يقوم بالتسجيل في المنتدي بشخصيه بنت ويقوم بعد فتره من الزمن بارسال رسائل لعضوات المنتدي ,
وبحكم انه بنت تلاقيه يعرض مسنجر ويطلب رقم الموبايل ويقول (انا يشرفني ان اكون صديقتك )) ,, بعضهم بيقعوا
ويصدقوا وتلاقيها تبعتله ايميلها وتقول وانا كمان يشرفني انك تكوني صديقتي وبعدين يبدأ الخبيث بكشف اسرارها وبعد فتره من الزمن تلاقيه يكشف الستار عن شخضيته ويبدا بقي في الابتزاز.

وده أسلوب الخبثاء اللي مفكرين الن اللي بيعملوا حضرته مش هايتحاسب عليه عنا الله الذي((يعلم خائنه الاعين وما تخفي الصدور....))

أسلوب التشويق والاستعراض :

تلاقي صاحب الاسلوب ده مابيفوتش موضوع للبنت الا ما بيكون شارك فيه وحاول ان يكون رده ملفت للانتباه
وبيحاول الاستفزاز احيانا والاستفسار عن بعض الجمل في موضوع البنت علشان يشوف ردها وهل هي سهله
ولا لأ وهكذا ...يحاول دائما يبين انه مهم وانه لا يهتم باي موضوع وانه كتب قليل لما تلاقي زيه....

أسلوب الكتابه :

تده دائما يبحث عن المواضيع التي تجذب الفتيات اليه عن طريق مثلا ((خواطر تدور حول الحب والعشق والشوق والحنين , وقصائد رومانسيه وعاطفيه أو معاناه العاشقين ))
كل ده من أجل ان يتعلقن به وبخواطره وبقصائده وهكذا حتي ينجح ويتملك بالبنت التي يريدها.....

وفي النهايه :

أن هؤلاء (الذئاب البشريه) طرقهم متنوعه ووسائلهم متعدده فاحذري يا اختي من الوقوع في مصائدهم
حفظك الله من كل سوء , ولا تحاولي ان ترسلي أو تستقبلي رسائل خاصه إلا في حدود ضيقه جدا جدا جدا
ولا تغتري بنفسك وتقولي انا واثـــــــــــقــــــــــه من نفسي , فالشيطان موجود وقد اهلك ناس كانوا أقوي منك وأكثر منك ثقة بأنفسهن.

واتمني ان أكون قد أفدتكم وكل عام وانتم بخير

يمكننا عمل الكثير بالحق لكن بالحب أكثر..

ياااااااااااااااااااااااااااااااااااااااااااااااااااااااااااااااااااااااااااااة بجد وحشتني
يا ميدو فينك من زمان حرمتنا من مواضيعك الحلوة لية كدة يا
ميدو تغيب المدة دي كلها عن المنتدي وتحرمنا من موضيعك المميزة والجميلة
علي العمموم انت نورتنا

وبالنسبة للموضوع علي فكرة الموضوع دة فعلا جميل جدا وكان محتاج حد يتكلم فية
لأن الظاهرة دي انتشرت فعلا وبقت عادة عند الشباب انة يخش أي منتدي ويسجل نفسة
بأسم بنت علشان يقدر يتصاحب علي بنت ويتكلم معاها في حورات ملهاش لازمة خاااااالص
(لعن اللة المتشبهين بالنساء)

وأحب اقولك في الأخر انت بجد نورتنا
واحنا هننتظر موضيعك الجميلة
أخوك العزيز
mo7amed ayoup

ازيك يا تيتو يا جامد والله وحشني يا حبيب قلبي
santa

المنتدي منور بأعضاؤه يا جميل
وان شاء الله ربنا يقدرني وافضل متابع معاكم علطول

lol!

بص يا مان اول حاجه الحمد لله انا مدير موقع كبير جدا وطبعا مش هقول عنه لاحترام مديرى الموقع هنا وتشهير موقعى والكلام ده لكن

اولا احيك على الموضوع ده والكلام الجميل

تانى حاجه اكيد انت تعرف بنات معرفه البنات شئ عادى مش حاجه اختك اعتبر كل البنات اخواتك

فيها ايه لما انا ابعت رساله لواحده هنا فى االمنتدى ااقولها مواضيعك رائعه او اكتب عن الحب والرمانسيه وزى ما انا شايف انك نائب مدير يعنى لازم ما تفوت موضوع الا وتكون كاتب رد فيه وعلى اى عضو كده برضه فلماذا تمنع روح الاخاء فى المنتدى او الموقع وانا شايف انكم هنا اسره جميله جدا فبها حاجه لما ارسل لاخت هنا رساله اااقولها شكراا على الموضوع وكده

وانا معاك فى شئ واحد فقط هو التشبه ببنت اه كده غلط

وكمان معرفه النت مش تؤدى الى حاجات زى ما انت كاتب

وبقولك ان ده راى وانا مش علشان كتبت عكسك يبقى بغلطك لا انا بحترم رايك جدا جدا

الموضوع جميل لكن احب ااقول انى بعمل كده انا فى العيد بعت رسائل خاصه لبعض الاعضاء هنا ومش شايف انى غلطان خالص
ثانيا برد على اكتر المواضيع وبكتب فى الرومانس وبحب اتكلم فى الحب
وكمان التعارف مش شئ وحش انا نفسى اعرف كل الناس اللى هنا
وانا برضه معاك ومع جيمى فى ان التشبه بالبنات مش حلو
هو حاسس انه كده خلاص لكن منظلمش بنات تانيه باننا نبعد عن مواضيعهم وما نكتبلهم ردود
ما تزعل منى انا مش صفك

في الاول انا بحيي كل اللي قرأ الموضوع وشارك فيه برأيه

انا بتكلم بصفه عامه في المجتمع ككل حيث يوجد نسبه من الشباب تتعدي70% يستغلون المنتديات في التعارف علي الفتيات وطبعا النسبه دي هدفها غير نبيل
الي جانب وجود شباب محترم جدا لا يفكر في شي غير الاخوه في الله
وانا لست ضد التعارف ولكن في حدود (الشفافيه)
والظاهر ان الأخ الفاضل (جيمي) فاهمني غلط انا مش قصدي المشاركه العاديه انا اقصد التمادي في الرأي ولفت الانتباه لهدف داخلي والكلام ده والحمد لله مش موجود بين أعضاءنا الأفاضل انا بتكلم عن موضوع عام
وطبعا يا اخي(العاشق)الرسايل الخاصه اللي من النوع اللي انت بترسله في المناسبات يختلف تماما وخارج الموضوع اللي انا بتكلم عنه
وانا في الاول والاخر هدفي هو مصلحة اخواتنا من الفتيات وانا بحثهم فقط علي الحذر وليس اعتذال مشاركات الشباب
وشكرا علي المشاركه
مع احترامي لكم ولارائكم جميعا

والله ليك وحشة ياميدو
موضوعك جمييل جدا ومفيد
وانا اتفق معاك فى ان هناك اعضاء كثيرة بتعمل الكلام دا
وبرضه فيه اعضاء بتحب تتعرف كاخوة
فى كل مجال بتلاقى الحلو والوحش
مش ممكن تلاقى ابدا كله نضيف او كله وحش
بس عايز اقولك انه مش كل اللى يكتب موضوع فى الحب او الخواطر يكون عايز
يصطاد بنت او حاجه
وبرضه نفس الكلام فى الرد ع مواضيع عضوة محددة طيب مايمكن معجب بمواضيعها
وجمال التنسيق والالفاظ
والحمد لله معظمنا هنا بنحترم بعض جدا
ومفيش بنا الكلام دا
شكرا ياميدو على الموضوع الجميل
ومتبقاش تحرمنا من مشاركاتك اللذيذة

والله يا جماعه انا بشكر صاحب الموضوع جدا لان بجد موضوع هام

وفعلا معظم الكلام صحيح وبيتنفذ

بس انا عاوزه اقولكم حاجه مهمه

ان الحكايه كلها تعتمد اعتماد كلى على البنت نفسها

وعلى اخلاقها وتربيتها

وانها ازاى تتعامل مع الطرف الاخر

بحدود معينه اتربت عليها

مش عارفه يمكن رايى ميعجبش ناس كتير

بس بتهيالى ان ده الصح

مشكور جدا يا عمرو :bball: ويا فوفا :bball: علي المشاركه

وأرجع وأقول تاني يا جماعه ان مش كل شاب بيتعامل بذوق ولطف مع البنت بيكون هدفه سيئ,,
لكن اللي بيكون هدفه سيئ بيكون الذوق واللطف ولفت الانتباه من وسائله لتحقيق هذا الهدف.
وانا عرضت الموضوع ده في المنتدي علشان يكون عند اخواتنا البنات حذر عند التعامل مع شباب المنتديات
لان زي ما قلت قبل كده ان مش كل الشباب بيتعاملوا مع البنات كأخوات (مع احترامي لشباب المنتدي )

وزي ماقالت الاخت وفاء ان الموضوع ده بيعتمد علي البنت ,,,,لكن جزئيا وليس كليا

جزئيا لأن اللي بيكون داخل المنتدي وهدفه التسليه بالبنات بتكون طريقته مع البنت تدريجيه
بمعني انه بيجعلها تستريحله الاول وبعد كده بطريقته بيطور العلاقه بينهم وبيكون متلذذ وهو شايف البنت بتتعلق بيه أكتر وأكتر
وبعد كده بتكون النهايه مع الشاب ده مش في صالح البنت تماما وهو طبعا مش خسران حاجه ,,دي بتحبه,, ودي متعلقه بيه ,,,وهكذا
يعني البنت بتكون (ضحيه)لتسالي الشباب
وفي النهايه يا جماعه انا مش بقول ان كل الشباب بيعملوا كده زي ما الأخ عمرو قال ان في كل مكان الحلو والوحش

انا شايف يا جماعه اننا كبرنا الموضوع ,,,,
بس كويس أهو احنا بنشوف أراء بعض وبنتعرف علي بعض أكتر من خلال عرض ارائنا وطريقه تفكيرنا في المواضيع المختلفه

flower

زائر

:shock:

ميدو حبيب قلبى
يا سلام عليك وعلى رجوعك القوى
منور والله المنتدى

اما بالنسبه لموضوعك

من رأيى الشخصى المتواضع ان اى ولد لو اتعامل مع البنت باحترام واعتبرها زى اخته مش هيبقى فى مشاكل اطلاقا
لانه بكل بساطه مش هيرضى على اخته اى حاجه وحشه

يعنى قبل ما تعمل اى تصرف تجاه اى بنت تخيل اختك مكانها وشوف هترضى حد يعمل معاها كده ولا لأ؟

بالنسبه للشباب اللى ردوا ع الموضوع

يعنى اراءهم مختلفه لكنها فى النهايه اراء واختلاف الرأى لا يفسد للود قضيه

بس اكيييييييييييييد الكل عارف الرسائل الخاصه معموله ليييييييييه؟

واكيد انا مع اللى قالته فوفا ان ده بيعتمد بجزء كبير على البنت نفسها وتربيتها
هل هى محترمه وعندها شخصيه ولا هبله وعبيطه وما بتصدق

يعنى خلاصه الكلام الموضوع جرئ جميل وشايف نقاش جميل واراء كويسه
بس المهم يبقى فى تعاون بين الطرفين
كل ولد يعتبر اى بنت زى اخته عشان يقدر يحترمها وبالتالى تحترمه هى كمان

شكرا يا جميل ع الموضوع

طبعا ماأقدرش أعلق علي كلامك يا مان
بس اللي أقدر أقوله انك بجد منور الموضوع بكلامك الموزون

سلامي ليك ولكل العضاء :182

الموضوع جميل ياميدو
ودا تنبيه للبنات فى كل المنتديات اللى بيتعاملوا مع الشباب ودا اللى مفروض يتعمل
لان انا ياما شغت العجب وبتحصل علاقات بين الاعضاء والعضوات فى بعض المواقع الاخرى
ولكن الحمد لله منتدانا خال تماما من كل هذه الدسائس القذرة
احييك ياميدو واحى كل المشاركين فى الموضوع

مشكور يا نجم علي المشاركه الجميله :bball: