اعتـــــــــــــــــــــــــــــــــذار للكل

بسم الله الرحمن الرحيم
الحمد لله اولا واخيرا وبعد
احبائى الاعضاء
مش عارف ابدأ منين بالظبط بس انا هقول حاجه كده
فى حياة كل انسان مننا نقطة تحول
ممكن يتحول من نقطة ايجابية لنقطة سلبية
وممكن يتحول من نقطة سلبية لنقطة ايجابية
احنا اشتغلنا كثيير ف المنتدى
وضيعنا ساعات كثير جدا تصميم ومواضيع وحاجات من دى
واحنا مش عارفين قيمة الوقت دا
كنا فاضيين لدرجة تغيظ فعلا
كنا بصراحة اكثر تافهين جدا وعلى فكرة مش احنا بس دا تلات ارباع المواقع العربية كده
تافهة
ليه منفكرش نعمل موقع نستفيد منه
نفيد بيه حد
ومش معنى الافادة او الاستفادة فيلم او اغنية او كليب
لا نفيده يعنى نغير حياته
او ببساطة نعمله حاجه تغيره
تخليه انسان منتج
انسان ايجابى فى المجتمع مثقف واعى عاقل
يعرف ازاى يدافع عن حق دينه وحق وطنه المهضوم
اكلمكم بصراحة اكثر
يمكن اغلب الاعضاء اللى سجلوا من بره سجلوا عشان الاغانى والافلام
وكمان فيه اعضاء كبار اوى مشيوا عشان الملل لاننا تافهين ممكن فاضيين اكيد
عشان كده ياجماعة
لازم نغير واقعنا الاليم
بواقع اكثر واقعية واقع اكثر متعة فى ظل الايجابية والثقافة الصحيحة
النظام دا يمكن ميعجبكش محمود او لؤى او اى عضو
بس لما يقراؤ الموضوع كويس حيعرفوا انه مهم جدا
احبائى الاعزاء
انا قررت انى الغى اقسام كثير فى المنتدى زى الافلام والاغانى والفضائيات
لان بصراحة 90% من المواضيع اللى فيهم منقولة
لازم نكون مختلفين
مش تدخل تبحث عن موضوع فى جوجل مثلا تلاقيه فى كل المنتديات العربية
ثقافة عقيمة وجهل فاضح
الشباب العرب اللى بيشتم بعضه دول فى الشات
لازم نعالج الظاهرة دى
ليه منحاربش الفساد من المجتمع الصغير دا
ليه وليه وليه حاجات كثير اوى عايزه تتغير
لازم نعرف كلنا اننا مسئولين امام الله تعالى فيما نفعل
وكمان لازم نعرف انا خير الناس انفعهم للناس
امال اخينا دا بيعمل كدا ليه يعنى عشان رمضان جاى ولا ايه ؟
اه بعمل كده عشان رمضان جاى بس مش رمضان بس اللى جاى
بقية عمرنا لسه جاى ولازم نستغله صح الصح
من هذا المنبر اعلن لكم
اننا تخلينا عن السلبية والسذاجة والتفاهة
وتمسكنا بحبل الله
عهدنا ان نكون ايجابين
مختلفين
مثقفين
نفيد ونستقيد
ارجوا من الجميع زوارا واعضاء التعقيب ع الموضوع
واعلم ان رأيك الوقتى حيحدد حاجات كثيييييييير هنا
وشكرا

بجد انا فرحان المنتدى ده مشرفنى ولو كل حط موضوع مش منقول هنعمل نهضة واللى عنده معلومة لا يبخل بيها علينا
وجعله الله فى ميزان حسناتك

The King كتب:

بجد انا فرحان المنتدى ده مشرفنى ولو كل حط موضوع مش منقول هنعمل نهضة واللى عنده معلومة لا يبخل بيها علينا
وجعله الله فى ميزان حسناتك

بجد اشكرك يالؤى ع الرد الجميل دا
وياريت كل المنتديات تكون كده
وانا بفكر نعمل حملة لمنع الظواهر الفاسدة دى
لازم نتغير

يعنى بجد مكسوف من نفسى اوى بعد ما قريت الكلام ده
وانا معاكم ده شرف ليا