طنش تعيش تاكل قرقيش

أحسن حاجه تعملها في حياتك انك تعيشها وانت مطنش كل حاجه بتحصلك وتضايقك.
وعلى راي الفيلسوف الشهير اللى مش فاكر اسمه ( طنش تعيش تاكل قراقيش ) حاول تطنش هيفيدك ويريح اعصابك.

ولكي تستطيع ان تكون مطنش يجب ان تتبع هذه الخطوات..

1. تسبيل العينين مصحوبه بنظره بلهاء
2. فتح الفم 15 سم على الاقل
3. ابتسامه بلهاء
4. دلدله الكتفين مع بهدله في المظهر
5. علامات التخلف العقلي

وبذلك ستنضم لمنظمة ( طناشكو العالمية ) كما انك ستكون من مؤسسي اكبر مؤسسة (المُطنّشين العرب - طناش أحمد طناش وشركاه ) وسيقام مهرجان (الطناش للجميع ) والذي سيضم نخبه من كبار المطنشين....

وكلما أصبحت مطنش أكتر كلما شعرت براحة من الاستفزازات التي تنزل عليك مصحوبة بحرق الأعصاب..

ومن امثله ذلك.. لما تصحى من نومك ممكن تكون اختك او اخوك او والدتك متعصبين من حاجة فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلاً.....كل اللي عليك انك تطنش.

مثال تاني... تسمع في نشرة الأخبار عن مقتل 60 مواطن في تصادم قطر أو مقتل 100 واصابة 50 في صراع بين دولتين فتشعر بحزن شديد.... لكن كل اللي عليك عمله هو انك تطنش.

أما الطريف في الموضوع لما تروح تعرف نتيجة الإمتحان فتلاقيك شايل مواد كتير ظلم رغم انك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول ان الورقه دي وشها وحش عليه ويسقطك .... كل برده اللي عليك انك تطنش

وفي النهايه هتلاقي راسك بقت في حجم قرع العسل مع زيادة مستمرة في الحجم وذلك لأن ..

( العقل السليم فى حجم الراس الكبير )

انا كتبت الموضوع دة بقصد الضحك فقط لاغير
واحنالازم نشارك في اي حاجة تحصل حولينا
ونقول رأينا حتي لو احنا عارفين انة محدش هيسمعة
والا نكون سلبين

تحياتي لكم
طنش تعيش تاكل قرقيش 85024611

يارب الموضوع دة يعجبكم

:182
منور ياباشا
موضوع جميل
وفعلا طنش تعيش تاكل قراقيش

شديد الموضوع ده يا باشا
تسلم ايدك
طناش بطناش
بس مش فى كل المواقف وإلا تبقى سلبيه
تقبل مرورى

لا هو فعلا طناش بطناش عشان تقدر تعيش
بجد موضوع جامد اوى اوى اوى
بجد احلي حاجة الطناش

هو فيه احلى من الطناش

يا سلااام ده ليه اوقات كده بيبقى مفيد موت

ربنا يعنا على التطنيش

تسلم على الموضوع جميل